Рэспубліканскі семінар «Падтрымка і пашырэнне сферы выкарыстання беларускай мовы ва ўстановах агульнай сярэдняй адукацыі Гродзенскай вобласці: асоба, адукацыя, грамадства» прайшоў 16-17 красавіка ў ДУА «Гродзенскі абласны інстытут развіцця адукацыі”.
Арганізатарамі мерапрыемства выступілі Міністэрства адукацыі Рэспублікі Беларусь, галоўнае ўпраўленне адукацыі Гродзенскага абласнога выканаўчага камітэта, дзяржаўная ўстанова адукацыі «Акадэмія паслядыпломнай адукацыі”, дзяржаўная ўстанова адукацыі «Гродзенскі абласны інстытут развіцця адукацыі”.
У семінары прымалі ўдзел метадысты інстытутаў развіцця адукацыі, раённых (гарадскіх) вучэбна-метадычных кабінетаў, кіраўнікі метадычных аб’яднанняў настаўнікаў беларускай мовы і літаратуры.
16 красавіка
Да пачатку семінара ўдзельнікі наведалі выставу дэкаратыўна-прыкладнога мастацтва «Суквецце талентаў Прынямоння”, а таксама паглядзелі фрагмент з мюзікла «Зямля бацькоў – жыцця крыніца”.
На адкрыцці семінара выступіў Сонгін Аляксандр Генрыхавіч, начальнік галоўнага ўпраўлення адукацыі Гродзенскага абласнога выканаўчага камітэта.
Затым Акушэвіч Андрэй Аляксандравіч, метадыст упраўлення вучэбна-метадычнай работы дзяржаўнай установы адукацыі «Акадэмія паслядыпломнай адукацыі”, разгледзеў асноўныя напрамкі метадычнай работы Акадэміі з настаўнікамі беларускай мовы і літаратуры.
Прыярытэтныя напрамкі дзейнасці па папулярызацыі беларускай мовы і пашырэнні сферы яе выкарыстання ва ўстановах адукацыі Гродзенскай вобласці вызначыла Малевіч Ірына Тадэвушаўна, галоўны спецыяліст аддзела агульнай сярэдняй і дашкольнай адукацыі галоўнага ўпраўлення адукацыі Гродзенскага абласнога выканаўчага камітэта.
Ролю інстытута развіцця адукацыі ў захаванні і папулярызацыі беларускай мовы ва ўстановах адукацыі Гродзенскага рэгіёна адзначыла Сяргейка Святлана Антонаўна, рэктар дзяржаўнай установы адукацыі «Гродзенскі абласны інстытут развіцця адукацыі”, кандыдат педагагічных навук, дацэнт. Святлана Антонаўна акрэсліла асноўныя падыходы і напрамкі дзейнасці інстытута па пашырэнні выкарыстання беларускай мовы ва ўстановах адукацыі ў аспекце работы з педагагічнымі кадрамі рэгіёна.
Актуальныя напрамкі дзейнасці па папулярызацыі і пашырэнні сферы выкарыстання беларускай мовы ў Ваўкавыскім каледжы ўстановы адукацыі «Гродзенскі дзяржаўны ўніверсітэт імя Янкі Купалы” акрэсліла Белавус Вольга Мікалаеўна, выкладчык беларускай мовы і літаратуры Ваўкавыскага каледжа ўстановы адукацыі «Гродзенскі дзяржаўны ўніверсітэт імя Янкі Купалы”.
На прыкладзе дзейнасці ўстановы адукацыі «Мірскі дзяржаўны мастацкі прафесіянальна-тэхнічны каледж” з выкарыстаннем ў адукацыйным працэсе праектаў этнакультурнага напрамку пазнаёміў Петрыман Канстанцін Леанардавіч, намеснік дырэктара па вучэбна-выхаваўчай рабоце ўстановы адукацыі «Мірскі дзяржаўны мастацкі прафесіянальна-тэхнічны каледж”. Асаблівую цікавасць выклікала прадстаўленне батлейкі, якое ўдзельнікі семінара прагледзелі ў завяршэнне пленарнага пасяджэння.
Потым госці Гродзенскай вобласці наведалі ўстанову адукацыі «Гродзенскі дзяржаўны ўніверсітэт імя Янкі Купалы”. Лісоўская Іна Самсонаўна, дэкан філалагічнага факультэта, кандыдат філалагічных навук, дацэнт, і Садоўская Алена Станіславаўна, загадчык кафедры беларускай філалогіі, кандыдат філалагічных навук, дацэнт, а таксама выкладчыкі кафедры расказалі аб мерапрыемствах, якія праводзяцца філалагічным факультэтам па папулярызацыі і пашырэнні сферы выкарыстання беларускай мовы, адзначылі ролю рэгіянальнага ўніверсітэта ў папулярызацыі беларускай мовы ў прасторы ўстановы вышэйшай адукацыі.
Пад канец першага дня работы семінара ўдзельнікі наведалі музеі: мемарыяльны пакой-музей Э. Ажэшка ў юнацкім філіяле ГУК «Гродзенская абласная навуковая бібліятэка імя Я. Ф. Карскага” і музей Максіма Багдановіча.
17 красавіка
Другі дзень семінара прайшоў на базе дзяржаўнай установы адукацыі «Гімназія № 4 г. Гродна”.
Сустракала ўдзельнікаў семінара выстава дыдактычных дапаможнікаў і матэрыялаў устаноў дашкольнай адукацыі Кастрычніцкага раёна г. Гродна «Каб гучала мова беларуская”, з якой пазнаёміла Пусева Наталья Вячаславаўна, метадыст дзяржаўнай установы «Вучэбна-метадычны кабінет Кастрычніцкага раёна г. Гродна”. Падчас выставы былі арганізаваны майстар-класы па вырабу беларускай лялькі і выцінанкі.
Потым усе ўдзельнікі мелі магчымасць пазнаёміцца з вопытам работы ўстаноў адукацыі Гродзенскай вобласці:
— «Папулярызацыя беларускай мовы і пашырэнне сферы яе выкарыстання: пошук, праблемы, знаходкі (з вопыту работы ўстаноў адукацыі Слонімскага раёна)” (Валько Святлана Віктараўна, загадчык дзяржаўнай установы адукацыі «Слонімскі раённы вучэбна-метадычны кабінет”, і Войтка Ірына Антонаўна, загадчык дзяржаўнай установы адукацыі «Яслі-сад № 3 г. Слоніма”, педагагічныя і вучнёўскія калектывы дзяржаўнай установы адукацыі «Сярэдняя школа № 8 г. Слоніма”).
— «Раённы рэсурсны цэнтр па беларускай мове і літаратуры як вучэбна-метадычная і творчая пляцоўка для працы настаўнікаў і вучняў” (Казлоўская Марына Іванаўна, настаўнік беларускай мовы і літаратуры дзяржаўнай установы адукацыі «Гімназія № 5 г. Гродна”, кіраўнік раённага рэсурснага цэнтра Ленінскага раёна г. Гродна).
— «Выкладанне вучэбнага прадмета «Гісторыя Беларусі” на беларускай мове (эфектыўны вопыт работы)” (Люцік Дзмітрый Уладзіміравіч і Грамыка Вольга Георгіеўна, настаўнікі гісторыі дзяржаўнай установы адукацыі «Гімназія № 4 г. Гродна”).
Практычная частка семінара прайшла праз арганізаваныя па групах майстар-класы, якія выклікалі вялікую зацікаўленасць і актыўнае абмеркаванне:
— «Выкарыстанне інтэрактыўных відэаролікаў як эфектыўнага сродку вывучэння беларускай мовы” (Сілюк Нона Уладзіміраўна, настаўнік беларускай мовы і літаратуры дзяржаўнай установы адукацыі «Вучэбна-педагагічны комплекс Юрацішкаўскі яслі-сад – сярэдняя школа” Іўеўскага раёна).
— «Скрайбінг і сторытэлінг як сродкі фарміравання камунікатыўнай кампетэнцыі на ўроках беларускай мовы і літаратуры” (Ступчык Наталля Фёдараўна, настаўнік беларускай мовы і літаратуры дзяржаўнай установы адукацыі «Сярэдняя школа № 2 г. п. Зэльва”).
— «Візуалізацыя вучэбнага матэрыялу на ўроках беларускай мовы і літаратуры” (Качкан Тамара Іосіфаўна, настаўнік беларускай мовы і літаратуры дзяржаўнай установы адукацыі «Вучэбна-педагагічны комплекс Падольскі дзіцячы сад-сярэдняя школа” Астравецкага раёна).
— «Выкарыстанне прыёмаў інтэлектуальных гульняў у пазаўрочнай дзейнасці па беларускай літаратуры” (Шведава-Юніцкая Вольга Віктараўна, намеснік дырэктара па вучэбна-выхаваўчай рабоце, настаўнік мастацтва, беларускай мовы і літаратуры дзяржаўнай установы адукацыі «Навасёлкаўскі вучэбна-педагагічны комплекс яслі-сад – сярэдняя школа” Ашмянскага раёна).
Цудоўныя ўражанні і ўзнёслы настрой засталіся ў удзельнікаў семінара па завяршэнні работы. Актуальнасць тэматыкі і выкарыстанне розных формаў прадстаўлення матэрыялу не пакінулі нікога абыякавым, акрамя таго, удзельнікі семінара мелі магчымасцью паглыбіць свае веды, падзяліцца практычнымі парадамі з уласнага вопыту, а таксама наладзіць прафесійную камунікацыю паміж сабой.
Сюжэт на тэлеканале «Гродна Плюс» можна паглядзець тут.
