11 мая 2018 года ў г.Мінску ў Нацыянальным акадэмічным тэатры імя Янкі Купалы прайшоў фінал сацыяльна-адукацыйнага праекту «Чытаем па-беларуску з velcom», які праводзіцца з 2015 года пры падтрымцы Міністэрства адукацыі Рэспублікі Беларусь.
У фінале Гродзенскую вобласць прадстаўлялі пяць пераможцаў абласнога адборачнага этапу:
Астрамовіч Ульяна, вучаніца ДУА «Сярэдняя школа № 2 г. Ашмяны»;
Баярчук Арына, вучаніца ДУА «Гімназія № 1 імя акадэміка Я.Ф. Карскага г. Гродна»;
Мірзаліева Маліка, вучаніца ДУА «Гімназія № 1 імя акадэміка Я.Ф. Карскага г. Гродна»;
Новік Марыя, вучаніца ДУА «Сярэдняя школа №22 г. Гродна»,
Прымачок Анастасія, вучаніца ДУА «Гімназія №2 г. Гродна».
35 фіналістаў на сцэне Купалаўскага тэатра прадставілі публіцы творы беларускіх аўтараў. Кожнаму ўдзельніку на выступленне было адведзена 2 хвіліны. Абмежаванне па часе зрабіла фінал дынамічным і эмацыйным.
Журы конкурсу ацэньвалі арыгінальнасць выканання, артыстызм і эмацыянальнасць, звярталі пільную ўвагу на выразнасць чытання і дакладнасць, на валоданне маўленнем. Пераможцамі сталі пяць удзельнікаў, з іх два – прадстаўнікі Гродзенскай вобласці: Мірзаліева Маліка і Новік Марыя. Пераможцы ўзнагароджаны дыпломамі і каштоўнымі прызамі ад кампаніі «Велком”.
